انصار:( د لړم دویمه) د طالبانو چارواکي وایي چې د پاکستان له وروستیو فشارونو سره تر ۱۲۰ زرو پورې افغان کډوال له دغه هېواده ویستل شوي.
د پاکستان په کراچۍ ښار کې د طالبانو د رژیم کونسل عبدالجبار تخاري ویلي چې دوی له پاکستان څخه د افغان کډوالو د ویستو د مهلت غځیدو غوښتنه لري. د هغه په وینا، که پاکستان دغه مهلت اوږد کړي، افغان کډوال به په منظمه توګه د وتو چانس پیدا کړي.
پاکستاني رسنۍ هره ورځ خپل هېواد ته د زرګونه افغان کډوالو د ستنیدو خبر ورکوي.
د طالبانو چارواکو ویلي، چې د ننګرهار په لالپوره ولسوالۍ کې یې د دغو کډوالو لپاره یو موقت کمپ جوړکړی.
په ورته وخت کې هېواد ته ستانه شوي افغان کډوال د مرستو له کموالي شکایت لري او د دوی ستونزو ته د پاملرنې غوښتنه لري.
د افغان کډوالو د ویستو د پریکړې په سر پاکستان په نړیواله کچه نیوکو او مخالفتونو سره مخ شوی.
پاکستان نږدې یوه اوونۍ نور افغان کډوالو ته وخت ورکړی چې له دغه هېواده ووځي.
د پاکستان چارواکي وایي چې ۱،۷ میلیونه افغانان په ناقانونه ډول د دوی په خاوره کې ژوند کوي او دوی یې د ویستو پلان لري.
URL تعقيب: https://www.ansarpress.com/pashto/27985
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني